تعلم اشلون تصير نذل ..

كيف تتعلم النذاله في دقائق

حبيت اعطيكم اسرع طريقة في تعلم النذالة

بكل سهول وبسرعه

علشان اتصير نذل اتبع الخطوات التاليه:

اذا كان هناك عزيمة يعني عشاء.....

بعد ماتغسل افتح الماي على الحار الين تشوفه ولع

وسكر المغسلة وشوف الي بعدك وش يصير بحاله




اذا جاك واحد ماتبيه وسويت له شاي.....

لا تجيب كاسة ام عروه عليك بكاسات

الجبن وصب له بها ....

واملها حيل للأخر على شان مايقدر يمسك الكاس

واذا كانت الخدامه ما تعرف تسوي شاي

خليها هي اللي تسويه




واذا كان عندك ضيف دمه ثقيل وتبغاه يمشي

خل واحد من الشباب يدق عليك جوال كل شويه

وكل مره كلمه على انه واحد ثاني

وقول " لالا والله مقدر الحين عندي ضيف يمكن بعد عشر دقايق "

ولا تنسى شي مهم لاتلبس ساعة

عشان كل شويه تسأله كم الساعة

ولما يكلمك لاترد عليه

على طول من أول مره سو نفسك ما سمعته ..




واذا اتصل بك واحد دمه ثقيل وثرثار

رد باختصارات الحمدلله ايه لا مادري يمكن الظاهر احاول

واذا طوّل اوهمه انك تكلم واحد بجنبك اذا شفته بعده يثرثر

وإذا مش ناوي يخلص استخدم حيلة الخط المقطوع

وقول " ألو ألووووووووو وينك

ألوووووووووووو يابو الشباب........

الظاهر ان الخط انقطع "

بعد كذا سكر السماعة ... بس وتفتك منه

الا اذا اتصل مرة ثانيه ساعتها عاد الباقي عليك




واذا بغيت تجنن الخدامه ادخل المطبخ واشرب نص كاس عصير

وكأنك مش متعمد كب الباقي ع البلاط

واذا كان المطبخ مفروش يكون احسن





واذا نامت وهي بعز النوم صحيها

وقولها تسويلك عشاء

ساعتها بيكون الضغط عندها ألف

بس الخوف انها تحط لك سم فيران ...!!!!!!!





واذا حبيت ترفع ضغط اهلك الحريم

لما يطلبوا منك توديهم السوق بعد ما يجهزون ..ويطلعون

اركب السيارة وخليك طبيعي

وفجأه قلهم أففففففف السيارة موراضيه تشتغل ..

طبعاً انت ماخذ احتياطك وفاصل اصبع البطارية

و شوف شبيسوون فيك ساعتها ..

والطريقه الثانيه عشان يحرمون يطلبوا منك توديهم السوق ....

لاتشغل مكيف السياره بس التهويه ( المراوح )

وقلهم التكييف خربان خلهم ينطبخون

واذا قالوا نبغى نفتح النوافذ

قلهم خربانات واذا فتحتوهم ما راح يتسكروا بعدين




اذا في احد رافع ضغطك ودك تسوى فيه مقلب

عليك بهالحركه:

خذلك ولاعه وسخن يد الباب

بعدين تعال وقل له : افتح الباب الله لايهينك

بس انتبه على نفسك لاتطب ساكت من الضحك



أبشرك أنت الآن ...

نذل بدرجة برفسور